కేంద్రం ఐదవ పరిష్కారానికి కట్టుబడి ఉండాలి: ఎంపీ కోమటిరెడ్డి

అదిలాబాద్: తెలంగాణ అంశంపై కేంద్రం ఏర్పాటు చేసిన శ్రీకృష్ణ కమిటీ నివేదికలోని 5వ పరిష్కారానికే కేంద్రం కట్టుబడి ఉండాలని భువనగిరి పార్లమెంటు సభ్యుడు శుక్రవారం అదిలాబాదులో అన్నారు. కాంగ్రెసు పార్టీ తెలంగాణ తప్పకుండా ఇవ్వాలని అన్నారు. తెలంగాణ ఇవ్వకుంటే తెలంగాణ ప్రజా ప్రతినిధులమంతా కలిసి అధిష్టానాన్ని కలుస్తామని చెప్పారు. తెలంగాణకు చెందిన పార్టీ ప్రజాప్రతినిధులు అందరూ కలిసికట్టుగా అధిష్టానాన్ని కలసి తెలంగాణ కోసం ఉద్యమించాలి. అంతేగాని విమర్శలు, ఆరోపణలు సరికావన్నారు. సామరస్యంగా పోరాడితే తెలంగాణ వస్తుందని చెప్పారు.

కాగా అదిలాబాద్ లో పలువురు తెలంగాణవాదులు కోమటిరెడ్డి కాన్వాయ్ ని అడ్డుకున్నారు. కేంద్రంపై ఒత్తిడి తీసుకు వచ్చి వెంటనే వచ్చే బడ్జెట్ సమావేశాల్లో తెలంగాణ బిల్లును పెట్టించేలా చూడాలన్నారు. లేదంటే కాంగ్రెసు ప్రజాప్రతినిధులు అందరూ రాజీనామా చేయాలని డిమాండ్ చేశారు.