గన్‌ మన్ లేకుండా తెలంగాణలో తిరుగుతా: మంత్రి శంకర రావు సవాల్

హైదరాబాద్: గన్‌మన్ లేకుండా తాను తెలంగాణలో తిరుగతానని, ఎవరు అడ్డుకుంటారో చూస్తానని చేనేత మంత్రి పి. శంకరరావు తెలంగాణవాదులను సవాల్ చేశారు. రచ్చబండను అడ్డుకుంటామని తెలంగాణవాదులు హెచ్చరిస్తున్న నేపథ్యంలో ఆయన శుక్రవారం మీడియా ప్రతినిధుల సమావేసంలో ఆ సవాల్ విసిరారు. తెలంగాణ ప్రజలు తెలంగాణ రాష్ట్రాన్ని, రచ్చబండను కూడా కోరుకుంటున్నారని ఆయన చెప్పారు. తెలంగాణ రాష్ట్రం ఏర్పడి తీరుతుందని ఆయన చెప్పారు. తెలంగాణ కోసం ఆత్మహత్యలు చేసుకున్నవారి త్యాగాలే తెలంగాణను తెస్తాయని ఆయన అన్నారు.

తెలంగాణ కోసం త్యాగాలు చేసినవారి వల్లనే తెలంగాణ వస్తుందని, తెలంగాణను తామే తెస్తామని అనుకుంటే పొరపాటని, ఆ క్రెడిట్ ఎవరికీ దక్కదని ఆయన అన్నారు కేంద్ర మంత్రివర్గంలో ఆంధ్రప్రదేశ్‌కు అన్యాయమే జరిగిందని ఆయన అన్నారు. సహాయ మంత్రుల వల్ల పనులేవీ జరగవని ఆయన అన్నారు.