సబితా ఇంద్రారెడ్డి కుమారుడు కార్తీక రెడ్డిని సిసిఎస్ ముందు హాజరుపర్చాలి: వర్ల

హైదరాబాద్: మద్దెలచెర్వు సూరి హత్య కేసు విషయంలో మీడియాలో తమ పేర్లు ఎందుకు వస్తున్నాయని హోంమంత్రి సబితారెడ్డి కుమారుడు అధికారులను బెదిరిస్తున్నారని తలుగుదేశం పార్టీ సీనియర్ నాయకుడు తీగల కృష్ణారెడ్డి శుక్రవారం విలేకరుల సమావేశంలో ఆరోపించారు. సూరి హత్య జరిగి మూడు వారాలు గడుస్తున్నా కేసులో ఎలాంటి పురోగతి లేదని విమర్శించారు. రాష్ట్రంలో సమస్యలు సృష్టించింది హోంమంత్రి సబితారెడ్డి ఆయన కుమారుడేనని ఆరోపించారు. సూరి హత్య కేసులో ఎవరెవరి హస్తం ఉందో నిష్పక్షపాతంగా బయటకు వచ్చేందుకు హోంమంత్రి కృషి చేయాలన్నారు.

సబితా రెడ్డి తన అధికారిక నివాసాన్ని హడావుడిగా రాజీనామా చేయడంపై పార్టీ మర నేత వర్ల రామయ్య ప్రశ్నించారు. హోంమంత్రి అధికారిక నివాసంలో అసాంఘిక కార్యకలాపాలు జరుగుతున్నందునే ఆమె ఖాళీ చేశారని ఆరోపించారు. ఇల్లు ఖాళీ చేసి సమస్య సమసి పోతుందని సబితా రెడ్డి అనుకోవద్దని, ఆమెకు నైతిక విలువ ఉంటే వెంటనే పదవికి రాజీనామా చేయాలని డిమాండ్ చేశారు. ఆమె తన కుమారున్ని ఆరోపణలు ఎదుర్కొంటున్న కార్తీక్ రెడ్డి స్నేహితుడిని వెంటనే సిసిఎస్ పోలీసుల ముందు ప్రవేశ పెట్టాలని డిమాండ్ చేశారు.