వైయస్ జగన్ తిరిగి కాంగ్రెసులోకి వస్తాడు: మంత్రి శంకరరావు

ఒంగోలు‌: మాజీ పార్లమెంటు సభ్యుడు వైయస్ జగన్ తిరిగి కాంగ్రెసులోకి వస్తారని చేనేత మంత్రి పి. శంకరరావు అన్నారు. 2014లో జరిగే ఎన్నికల్లో తాను వైయస్ జగన్ ‌తో కలిసి ప్రచారం చేస్తానని ఆయన శనివారం మీడియా ప్రతినిధులతో అన్నారు. కొంత మంది వైయస్ ‌జగన్‌ను భ్రష్టుపట్టిస్తున్నారని ఆయన విమర్శించారు. వైయస్ జగన్‌లో పరివర్తన రావాలని ప్రార్థిస్తున్నట్లు ఆయన తెలిపారు.

వైయస్ జగన్ పార్టీ పెట్టి ఎన్నికల్లో పోటీ చేస్తే సింగిల్ డిజిట్ సీట్లు కూడా రావని ఆయన జోస్యం చెప్పారు. వైయస్ జగన్ తన కుమారుడిలాంటివాడని, జగన్‌లో మార్పు వస్తుందని ఆశిస్తున్నానని ఆయన అన్నారు. వైయస్ రాజశేఖర రెడ్డి అమలు చేసిన పథకాలను ఇప్పుడు ప్రజలే తప్పు పడుతున్నారని ఆయన అన్నారు.