జగ్గారెడ్డిపై కయ్యానికి కాలు దువ్విన లేడీ బాస్ విజయశాంతి

హైదరాబాద్: మెదక్ జిల్లా సదాశివపేటలో తమ పార్టీ అధ్యక్షుడు కె. చంద్రశేఖర రావు సభను అడ్డుకుంటామని హెచ్చరించిన కాంగ్రెసు శాసనసభ్యుడు జగ్గారెడ్డిపై తెలంగాణ రాష్ట్ర సమితి (తెరాస) పార్లమెంటు సభ్యురాలు విజయశాంతి కయ్యానికి కాలు దువ్వారు. తన పార్లమెంటు నియోజకవర్గంలో తమ పార్టీ అధ్యక్షుడి కార్యక్రమాన్ని అడ్డుకునేవారెవరో ముందుకు రావాలని ఆమె సోమవారం మీడియా ప్రతినిధుల సమావేశంలో సవాల్ చేశారు. కెసిఆర్‌ను అడ్డుకుంటే కాంగ్రెసు సర్వనాశనం అవుతుందని ఆమె అన్నారు.

తెలంగాణ కోసం ఒత్తిడి తేవడానికే తాము రచ్చబండను అడ్డుకుంటున్నామని ఆమె చెప్పారు. కెసిఆర్‌ను అడ్డుకుంటామని హెచ్చరిస్తున్నవారు తన ముందుకు రావాలని, వాళ్ల సంగతేమిటో తాను చూస్తానని ఆమె అన్నారు. తాము చాలా ఓపికగా, మర్యాదగా వ్యవహరిస్తున్నామని ఆమె చెప్పారు. కెసిఆర్ సభను అడ్డుకోవాలని చూస్తే, ఖబడ్దార్ అని ఆమె హెచ్చరించారు.