వైయస్ తల్లి జయమ్మ వర్ధంతికి వివేకా, జగన్ పోటాపోటీ ఏర్పాట్లు

కడప: బాబాయ్, అబ్బాయ్‌ల మధ్య విభేదాలు రోజురోజుకు ముదురుతున్నట్టుగానే కనిపిస్తున్నాయి. వ్యవసాయ శాఖమంత్రి వైయస్ వివేకానందరెడ్డి, మాజీ పార్లమెంటు సభ్యుడు వైయస్ జగన్మోహన్ రెడ్డిల పోటీ కార్యక్రమాలు నెలకొంటున్నాయి. అబ్బాయ్ జగన్ పార్టీని వీడిపోయాక బాబాయ్ వివేకానంద కాంగ్రెస్ పార్టీలోనే ఉంటానని, తన అన్న చూపించిన దారిలోనే నడుస్తానని ప్రకటించారు. అప్పటినుండి వారిద్దరి మధ్య కడపలో పోటాపోటీగా సభలు, సమావేశాలు జరుగుతున్నాయి. మంగళవారం దివంగత ముఖ్యమంత్రి వైయస్ రాజశేఖర రెడ్డి తల్లి వైయస్ జయమ్మ వర్ధంతి ఉంది. జయమ్మ వర్ధంతి కోసం ఇటు బాబాయ్, అటు అబ్బాయ్ పోటాపోటీగా ఏర్పాట్లు చేస్తున్నారు.

కడప, పులివెందులలో ఉప ఎన్నికలు ఉండటంతో ఇద్దరూ తమ తమ కార్యకర్తలో రహస్య సమావేశాలు, మీటింగులను ఇప్పటికే ఏర్పాటు చేసుకుంటున్నట్టుగా సమాచారం. అయితే కుటుంబ వ్యవహారాల విషయానికి వస్తే వివేకానంద, జగన్ కుటుంబం కలిసే చేసుకుంటాయి. క్రిస్‌మస్‌ పండుగను కూడా వైయస్ కుటుంబాలు అన్ని కలిసి చేసుకునేవారు. ఈ నేపథ్యంలో గత క్రిస్‌మస్‌ను బాబాయ్, అబ్బాయ్‌లు కలిసి నిర్వహించుకునే పరిస్థితి లేదని అందరూ అనుకున్నప్పటికీ ఇద్దరు క్రిస్‌మస్ పండుగలో పాల్గొన్నారు. అయితే కుటుంబ కార్యక్రమం అయిన దివంగత జయమ్మ వర్ధంతిని మాత్రం మొదటిసారిగా వేరువేరుగా భారీగా ఏర్పాట్లు చేస్తున్నటల్ు తెలుస్తోంది.