జగన్‌తో మా వాళ్లే వెళ్తున్నారా?: మీడియాపై కోటగిరి చిందులు

హైదరాబాద్: ప్రజారాజ్యం పార్టీ సీనియర్ నాయకులు కోటగిరి విద్యాధరరావు మంగళవారం మీడియాపై తీవ్రస్థాయిలో విరుచుకు పడ్డారు. మాజీ పార్లమెంటు సభ్యుడు వైఎస్ జగన్మోహన్ రెడ్డి వెంట కేవలం ప్రజారాజ్యం పార్టీ నుండి మాత్రమే వెళ్లడం లేదని ఆగ్రహం వ్యక్తం చేశారు. తెలుగుదేశం, కాంగ్రెస్ పార్టీలనుండి కూడా శాసనసభ్యులు వెళుతున్నప్పటికీ మీడియా మాత్రం కేవలం చిరంజీవిని ఇమేజ్‌ను దెబ్బతీసే విధంగా ప్రజారాజ్యం పార్టీ ఎమ్మెల్యేలపైనే దృష్టి పెడుతోందని అన్నారు.

ప్రజారాజ్యం పార్టీపైనే మీడియా దృష్టి సారించడం శోచనీయమన్నారు. ప్రజారాజ్యం పార్టీ పరిస్థితులకు అనుగుణంగా విధానాలను మార్చుకుంటుందని చెప్పారు. పరిస్థితులకు అనుగుణంగా విధానాలు మార్చుకోవడంలో తప్పు లేదన్నారు. దేశంలో ఏ పార్టీ తమ విధానాలు మార్చుకోలేదో చూపించాలన్నారు.