నాసిక్ అదనపు కలెక్టర్ సజీవ దహనం: కల్తీ మాఫియా ఘాతుకం

మహారాష్ట్ర: మహారాష్ట్రలో మంగళవారం దిగ్భ్రాంతికరమైన విషాద సంఘటన చోటు చేసుకుంది. నాసిక్ జిల్లా అదనపు కలెక్టర్‌ను కల్తీ మాఫియా సజీవ దహనం చేసింది. పెట్రోలియం బ్లాక్ మార్కెట్‌ను అరికడుతున్నందుకు ఆగ్రహించిన మాఫియా అదనపు కలెక్టర్ యశ్వంత్ సోనావానేను సజీవంగా దహనం చేసింది. మన్మాడ్ నగరానికి సమీపంలో గల మాలెగావ్‌లో దాడులకు యశ్వంత్ వెళ్లిన సమయంలో పట్టపగలే ఆ దారుణానికి మాఫియా పాల్పడింది.

జిల్లాలో పనిచేస్తున్న పెట్రోల్ మాఫియా గుండెల్లో యశ్వంత్ గుబులు రేపాడు. అదనపు కలెక్టర్ మృతదేహం పడి ఉన్న చోటికి సీనియర్ అధికారులు, పోలీసులు హుటాహుటిన బయలుదేరారు. సోనావానే నిజాయితీ గల అధికారి అని, సంఘటన తెలిసి తాను దిగ్భాంతికి గురయ్యానని ఆయన సహోద్యోగి సరితా నార్కె న్యూస్ చానెల్స్‌తో చెప్పారు.

English summary

In a shocking incident, Additional District Collector of Nashik was burnt alive on Tuesday by the adulteration mafia, who were angry at him for cracking down on black marketing of petroleum products. As per reports, Additional District Collector Yashwant Sonavane had gone on a raid to a place near Malegaon close to Manmad town – 75 kilometers from Nashik city – when he was cornered by the gang.