తెలుగు సినీ నిర్మాత శింగనమల రమేష్ ఆస్తులు రూ. 200 కోట్లు

హైదరాబాద్: మద్దెల చెర్వు సూరి హత్యకేసులో నిందితుడు భానుకిరణ్‌కు సన్నిహితుడిగా భావిస్తున్న ప్రముఖ సినీ నిర్మాత శింగనమల రమేష్‌కు 2007 ఆర్థిక సంవత్సరాంతానికి రూ.200 కోట్ల ఆస్తులు ఉన్నట్లు పోలీసులు గుర్తించారు. ఫైనాన్షియర్లను బెదిరించినందుకు రమేష్‌పై ఇప్పటికే సీసీఎస్‌లో కేసు నమోదైన సంగతి తెలిసిందే. మరో నిర్మాత కల్యాణ్‌, రమేష్‌లతో కలిసి భాను పెద్దఎత్తున సెటిల్‌మెంట్లు చేశాడని ఆరోపణలు రావడంతో వారి ఆస్తుల వివరాలను పోలీసులు సేకరిస్తున్నారు.

ప్రముఖ సినీ నిర్మాణ సంస్థలకు అప్పులిచ్చే రమేష్‌ 2002-2003 ఆర్థిక సంవత్సరంలో తన ఆదాయం రూ.23.56 లక్షలు, వ్యవసాయ ఆదాయం రూ.1.27 లక్షలుగా చూపించాడు. 2005-2006 ఆర్థిక సంవత్సరంలో వరుసగా రూ.106.29 లక్షలు, రూ.2.45 లక్షలకు పెరిగింది. ఆయనకు మొత్తం రూ.207 కోట్ల స్థిరాస్థులు ఉన్నట్లు పోలీసులు గుర్తించారు. 2007 నాటికి రమేష్‌కు హైదరాబాద్‌, తిరుపతి, చెన్నైలలో 27 స్థిరాస్తులు ఉన్నట్లు గుర్తించారు. తాను అప్పులు తిరిగి ఇవ్వని వారి నుంచి రమేష్ పెద్ద యెత్తున ఆస్తులు జప్తు చేసినట్లు సమాచారం.