చంద్రబాబు దగాకోరు, సబ్బం ఇష్టమున్నట్లు మాట్లాడుతున్నాడు: పొంగులేటి

హైదరాబాద్: మాజీ ముఖ్యమంత్రి, తెలుగుదేశం పార్టీ అధ్యక్షుడు నారా చంద్రబాబునాయుడు వంటి దగాకోరు, అవినీతిపరుడు ఎవరూ లేరని కాంగ్రెసు సీనియర్ నాయకుడు పొంగులేటి సుధాకర్ రెడ్డి గురువారం తీవ్రస్థాయిలో ధ్వజమెత్తారు. చంద్రబాబుకు కుర్చీ తెగులు పట్టిందన్నారు. ఆయన దీక్షలు, యాత్రలు అన్నీ అధికారం చేజిక్కించుకోవడానికే తప్ప ప్రజా సమస్యలపై కావన్నారు. ప్రజా సమస్యలపై టిడిపికి చిత్తశుద్ధి లేదన్నారు. ప్రజాసమస్యలను పరిష్కరించడం కాంగ్రెసు‌కు సాధ్యం అన్నారు.

ప్రభుత్వంపై కొందరు అనవసర ఆరోపణలు చేస్తున్నారన్నారు. వాటిని మంత్రులు, ఎమ్మెల్యేలు సమర్థవంతంగా తిప్పికొట్టాలని ఆయన సూచించారు. అనకాపల్లి పార్లమెంటు సభ్యుడు సబ్బం హరి తనకు ఇష్టం వచ్చినట్లు మాట్లాడతున్నారని అన్నారు. ఆయన వ్యాఖ్యలు సరికావన్నారు.