అబ్బాయ్ వైయస్ జగన్‌కు బాబాయ్ వివేకానంద రెడ్డి బాసట

కడప: పరిటార హత్య కేసులో, ఇతర కేసుల్లో వస్తున్న ఆరోపణల విషయంలో మాజీ పార్లమెంటు సభ్యుడు వైయస్ జగన్‌కు రాష్ట్ర మంత్రి, బాబాయ్ వైయస్ వివేకానంద రెడ్డి బాసటగా నిలిచారు. జగన్‌పై వస్తున్న ఆరోపణలను ఆయన ఖండించారు. పత్రికల్లో జగన్‌పై వస్తున్న వార్తలు అవాస్తవమని ఆయన అన్నారు. కడప జిల్లా పులివెందులలో శనివారం రాత్రి ఆయన విలేకరులతో మాట్లాడారు.

"నా అన్న వైఎస్ రాజశేఖరరెడ్డి కుటుంబం ఫ్యాక్షన్‌కు, ముఠా తగాదాలకు ఎప్పుడూ దూరంగా ఉంటుంది. కొన్ని పత్రికలు పనిగట్టుకుని జగన్‌పై అవాస్తవాలు రాస్తున్నాయి. మా నాన్నను చంపిన వారిని వదిలేయాలని, వాళ్ల పాపాన వాళ్లే పోతారని మా అన్న వైఎస్ అన్నారు. ఆయన కడుపున పుట్టిన జగన్ వేరొకరిని చంపించడం అవాస్తవం. అది మా ర క్తంలోనే లేదు. అవాస్తవాలు రాసినవారు వారి పాపాన వారే పోతారు'' అన్నారు.