రాష్టపతి పదవి ఇవ్వలేదని సోనియాపై వ్యాఖ్యలు: కాకాపై డి. శ్రీనివాస్
ప్రతిపక్ష నాయకుడు ఎల్కె అద్వానీ వంటి నేత కూడా సోనియాను భారత ప్రజలు స్వీకరించారనే విషయాన్ని గుర్తించారని, కాకా మాత్రం విదేశీ పౌరసత్వం గురించి మాట్లాడుతున్నారని ఆయన అన్నారు. పార్టీకి అస్తవ్యస్తంగా ఉన్న సమయంలో అందరూ బతిలాడితే సోనియా పార్టీ పగ్గాలు చేపట్టారని, అలా బతిలాడినవారిలో కాకా కూడా ఉన్నారని ఆయన అన్నారు. సోనియా నాయకత్వం స్వీకరించిన తర్వాత బలం పెరిగిందని ఆయన అన్నారు. ప్రజారాజ్యం పార్టీ అధ్యక్షుడు చిరంజీవి ఇంటికి ఎకె ఆంటోనీ వెళ్లడం సమంజసమేనని ఆయన అన్నారు.
తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు ఇంటికి తాను, గులాం నబీ అజాద్ వెళ్లామని, తమతో పాటు కాకా కూడా వచ్చారని ఆయన అన్నారు. ఇక్కడ ఎవరు పెద్ద ఎవరు చిన్న అనేది సమస్య కాదని, కాంగ్రెసు పార్టీ తన మిత్రపక్షాలను ఎలా మర్యాదగా చూస్తోందో తెలుస్తుందని ఆయన అన్నారు. అవినీతికి సోనియా ఆమడ దూరమని ఆయన అన్నారు.