చిరు ఆతురత పడుతున్నారు, ఇష్టం లేనివారు వెళ్లిపోవచ్చు: ఆమోస్

హైదరాబాద్: ప్రజారాజ్యం పార్టీ అధినేత చిరంజీవితో పార్టీ పొత్తు ప్రతిపాదనను కాంగ్రెసు తెలంగాణ సీనియర్ నేత కెఆర్ ఆమోస్ స్వాగతించారు. ప్రజారాజ్యం పార్టీ కాంగ్రెసులో విలీనమైతే మంచిదని ఆయన మంగళవారం మీడియా ప్రతినిధుల సమావేశంలో అన్నారు. చిరంజీవితో పొత్తును ఇష్టపడని నాయకులు కాంగ్రెసు పార్టీ నుంచి వెళ్లిపోవచ్చునని ఆయన అన్నారు. చిరంజీవి కాంగ్రెసుతో పొత్తుకు ఆతురత పడుతున్నారని, పార్టీని నడపలేకపోతున్నారని ఆయన అన్నారు.

రాష్ట్ర పోలీసు డైరెక్టర్ జనరల్ (డిజిపి) అరవింద రావు రాజకీయ నాయకుడిలా వ్యవహరిస్తున్నారని ఆయన విమర్సించారు. తెలంగాణపై డిజిపి అతిగా స్పందిస్తున్నారని ఆయన అన్నారు. తెలంగాణపై అరవింద రావు తప్పుడు నివేదికలు ఇస్తున్నారని ఆయన వ్యాఖ్యానించారు.