పోలీసు సంఘంలో ప్రాంతీయ బేధాలు: సమావేశం రసాభాస

హైదరాబాద్: పోలీసు సంఘంలో ఇన్నాళ్లు నివురు గప్పిన నిప్పులా ఉన్న తెలంగాణ, సీమాంధ్ర ప్రాంతీయ విభేదాలు గురువారం బయటపడ్డాయి. మా పోస్టులు మాకివ్వాలంటూ తెలంగాణ పోలీసు అధికారులు సంఘం సమావేశంలో డిమాండ్ చేయడంతో సమావేశం రసాభాసగా మారింది. ప్రత్యేక తెలంగాణ ఏర్పాటు చేసే వరకు తెలంగాణ వారికి గౌరవ అధ్యక్ష, సెక్రటరీ పదవులు ఇవ్వాలని డిమాండ్ చేశారు. గౌరవ అధ్యక్ష పదవి తెలంగాణ వారికి ఇస్తే జనరల్ సెక్రటరీ పదవిని సీమాంధ్రులకు ఇచ్చేవిధంగా ఉండాలన్నారు. రసాభాస కావడంతో సమావేశం అర్ధాంతరంగా ముగిసింది.

కాగా తెలంగాణవాదుల డిమాండుపై డిజిపి ఒక ఉన్నతస్థాయి ప్రత్యేక కమిటీని ఏర్పాటు చేశారని ఓ అధికారు అంటున్నారు. ఆ కమిటీ రిపోర్టు వచ్చాక డిమాండ్లను పరిశీలిస్తామని చెప్పారని అన్నారు. అంతవరకు ఎలాంటి ఆందోళనలు చేయవద్దని సూచించారని చెప్పారు.