2జి స్కామ్‌లో ట్రాయ్ మాజీ చైర్మన్ బైజాల్ అరెస్టుకు రంగం సిద్ధం

న్యూఢిల్లీ: టెలికం మాజీ మంత్రి ఎ రాజాను, ఆయనకు సన్నిహితంగా పనిచేసిన ఇద్దరు అధికారులను అరెస్టు చేసిన సిబిఐ ట్రాయ్ మాజీ చైర్మన్ ప్రదీప్ బైజాల్‌ను అరెస్టు చేసేందుకు రంగం సిద్ధం చేస్తున్నట్లు తెలుస్తోంది. స్వాన్, యూనిటెక్‌లకు ప్రయోజనం చేకూరుస్తూ 2008లో 2జి స్పెక్ట్రమ్ కేటాయింపులు అక్రమంగా జరిగాయని ఆరోపిస్తూ సిబిఐ అధికారులు గురువారం రాజాను, ఇద్దరు అధికారులను అరెస్టు చేసింది. అయితే, ఇందుకు గాను కంపెనీల నుంచి రాజా లంచాలు పొందినట్లు ఏ విధమైన ఆధారాలు లభించలేదని అధికారులు అంటు్నారు.

2003 నుంచి జరిగిన కేటాయింపులు జరుపుతూ తీసుకున్న నిర్ణయాలేవీ సజావుగా లేవని టెలికం మంత్రి కపిల్ సిబాల్ అన్నారు. మొదట వచ్చినవారికి మొదట కేటాయింపులు జరిపే పద్ధతిని ఎన్‌డిఎ ప్రభుత్వ హయాంలోనే అమలులోకి వచ్చిందని ఆయన అన్నారు. ఆ పద్ధతి లోపభూయిష్టమైందని, అందువల్లనే ఈ లోపాలు జరిగాయని ఆయన అన్నారు.

English summary

After the arrest of former Telecom Minister A Raja and two bureaucrats who worked closely with him, the CBI is now prepping to arrest Pradeep Baijal, the former chairman of the Telecom Regulatory Authority of India (TRAI). Mr Baijal's term extended from 2003 to 2006.