• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

జైబోలో తెలంగాణ సినిమాకు పూలతో సీమాంధ్ర జెఏసి ఆహ్వానం

By Srinivas
|
Google Oneindia TeluguNews
Jai Bolo Telangana
హైదరాబాద్: తెలంగాణ గాయాలకు చిత్ర రూపం కల్పించిన జైబోలో తెలంగాణ చిత్రాన్ని తాము చూస్తామని సీమాంధ్రులు శుక్రవారం స్పష్టం చేశారు. ఒక ప్రాంతానికి చెందిన ప్రజల గాయాలను ఈ చిత్రంలో చూపించడంలో తప్పు లేదని వారి కష్టాలు, నష్టాలు మా దృష్టికి కూడా వచ్చినట్టవుతుందని అందుకే మేం ఈ చిత్రాన్ని చూస్తామని స్పష్టం చేశారు. జైబోలో తెలంగాణ చిత్రాన్ని సీమాంధ్ర సాదరంగా ఆహ్వానించింది. అయితే తెలంగాణ గాయాలు మాకు చెప్పదల్చుకుంటే మేం ఈ చిత్రాన్ని ఆదరిస్తామని, అలాకాకుండా సీమాంధ్రులను గాయపర్చేలా ఉంటే మాత్రం సహించేది లేదని చెప్పారు.

తెలంగాణ రాష్ట్ర సమితి అధ్యక్షుడు కె చంద్రశేఖరరావు అనవసరంగా తెలంగాణ పేరిట యువతను, విద్యార్థులను రెచ్చగొట్టి వారి ప్రాణాలు బలిపెడుతున్నారని ఆరోపించారు. కెసిఆర్ వల్ల విద్యార్థులు తమ భవిష్యత్తును నాశనం చేసుకుంటున్నారన్నారు. విశాఖపట్టణంలో చిత్రం బాక్సును పూలమాల వేసి అక్కడి జెఏసి ఆహ్వానించింది. విజయవాడలో చిత్రం చూస్తున్న వారందరినీ సీమాంధ్ర జెఏసి గులాబీపూలతో ఆహ్వానించింది. తెలంగాణ గాయాలను చెప్పదల్చుకున్న చిత్రం కాబట్టి అందరూ చూడాలని జెఏసి కోరింది. కాగా సీమాంధ్రలోని 30 థియేటర్లలో ఈ చిత్రం విడుదలవుతోంది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X