మొనాలిసా పురుషుడా?, సంచలనానికి తెర తీసిన చరిత్రకారుడు

లండన్‌: మొనాలిసా అసలు స్త్రీ కాదనీ...మహిళ రూపంలో ఉన్న పురుషుడనీ ఇటలీ చరిత్రకారుడు విన్సెటీ పేర్కొనడం సంచలానికి తెరతీసింది. కొన్ని సంవత్సరాల నుంచీ విన్సెటీ ప్రత్యేకంగా డావిన్సీ చిత్రాలపై విస్తృత పరిశోధనలు నిర్వహిస్తున్నారు. వాస్తవానికి డావిన్సీ తన శిష్యుడైన గియాన్‌ గియాకోమో కాప్రోటీ అనే యువకుడినే మోడల్‌గా స్వీకరించి ఆ చిత్రాన్ని సృజించి ఉండవచ్చన్నది తాజా విశ్లేషణ.

కాప్రోటీకి 'సలయ్‌' అనే ముద్దు పేరు ఉండేదని చరిత్రకారుడైన విన్సెటీ పేర్కొన్నారు. 1490 నుంచీ డావిన్సీ వద్ద సలయ్‌ మోడల్‌గా పనిచేశాడనీ.. అప్పుడు వారిద్దరి మధ్య ఏర్పడిన 'సాన్నిహిత్యం' అతని చిత్రాల్లో ప్రతిఫలించి ఉండవచ్చ అన్నారు. 1503లో మొనాలిసా చిత్రీకరణ జరిగిందనీ...సిల్క్‌ వ్యాపారి భార్య అయిన లీసా గెరార్డినీ అనే ఆమెదే ఆ చిత్రమనీ ఇప్పటిదాకా విశ్వసిస్తున్నారు.