జగన్ పార్టీ వైఎస్ఆర్ పార్టీ: ప్రకటనకు అనుమతిచ్చిన సీఈసీ!

By Srinivas

Published: Tuesday, February 8, 2011, 17:49 [IST]

న్యూఢిల్లీ: మాజీ పార్లమెంటు సభ్యుడు వైఎస్ జగన్మోహన్ రెడ్డి పార్టీ పేరు వైఎస్ఆర్ పార్టీగా కేంద్ర ఎన్నికల సంఘం ఆమోదించినట్టుగా తెలుస్తోంది. జగన్ పార్టీకి కేంద్ర ఎన్నికల సంఘం అనుమతి ఇచ్చినట్టుగా సమాచారం. వైఎస్ఆర్ పార్టీ పేరును కొత్త పార్టీ పేరుతో ప్రకటించుకోవచ్చని ఎన్నికల సంఘం సూచించినట్టుగా తెలుస్తోంది. జగన్ వైఎస్ఆర్ పార్టీ, వైఎస్ఆర్ ప్రజా పార్టీ పేరు వీటిలో ఏదో ఒకదానిని ఆమోదించాలని సిఇసికి విన్నవించినట్లుగా తెలుస్తోంది.

అయితే పార్టీ పేరు ఆలస్యమవుతుందనే ఉద్దేశ్యంతో నల్గొండ జిల్లాకు చెందిన ఓ వైఎస్ అభిమాని సిఈసి వద్ద రిజిస్టర్ చేయించిన వైఎస్ఆర్ కాంగ్రెస్ పార్టీ పేరుతో ఉప ఎన్నికల పోరులో నిలిచేందుకు సిద్ధమయ్యారు. అయితే ఇంతలో సిఈసి నుండి వైఎస్ఆర్ పార్టీ పేరు అనుమతులు లభించాయి. జగన్ సైతం ముందునుండి ఆ పేరు పైనే ఇంట్రస్టుతో ఉన్నారు. కాంగ్రెస్ లేకుండా పార్టీ పేరు ఉండాలని భావించారు. ఇప్పుడు ఆయన అనుకున్నట్లు రావడం ఆయనకు సంతోషాన్ని కలిగించే విషయమే.

Published On February 8, 2011