కెసిఆర్ మాటల్లో స్వార్థం, పునర్నిర్మాణం కొత్త ముచ్చట: ఎంపీ సర్వే

By Srinivas

Published: Tuesday, February 8, 2011, 15:42 [IST]

హైదరాబాద్: తెలంగాణ వచ్చే సమయంలో తెలంగాణ రాష్ట్ర సమితి అధ్యక్షుడు కె చంద్రశేఖరరావు మాటల్లో దురుద్దేశ్యం, స్వార్థం కనిపిస్తున్నాయని కాంగ్రెసు పార్లమెంటు సభ్యుడు సర్వే సత్యనారాయణ మంగళవారం అనుమానం వ్యక్తం చేశారు. ఇప్పటి వరకు తెలంగాణ రాష్ట్ర సాధనే లక్ష్యం అన్న కెసిఆర్ ఇప్పుడు తెలంగాణ రాష్ట్రం ఏర్పడిన తర్వాత పునర్నిర్మాణం అంటున్నారన్నారు. ఆయన పునర్నిర్మాణం అంటూ కొత్త ముచ్చట చెబుతున్నారన్నారు. తెలంగాణ ప్రకటించాక ఇక తెలంగాణ రాష్ట్ర సమితి ఎందుకు అని ఆయన ప్రశ్నించారు.

కెసిఆర్ కాంగ్రెసు‌లో టిఆర్ఎస్ పార్టీలో విలీనం చేస్తానని ఒప్పుకున్న మరుసటి దినమే కేంద్రం తెలంగాణను ప్రకటిస్తుందని అన్నారు. ప్రజారాజ్యం పార్టీ తరహాలో కెసిఆర్ కూడా తెలంగాణ రాష్ట్ర సాధన కోసం టిఆర్ఎస్‌ను కాంగ్రెసు‌లో విలీనం చేయవలసిన ఆవశ్యకత ఉందన్నారు.

Published On February 8, 2011