వైయస్‌ను విమర్శిస్తే కాంగ్రెసు వాళ్లైనా ఊరుకోను: వైయస్ వివేకానంద రెడ్డి

హైదరాబాద్: దివంగత ముఖ్యమంత్రి వైయస్ రాజశేఖరరెడ్డిని ఎవరు విమర్శించినా తాను ఊరుకునేది లేదని వ్యవసాయశాఖ మంత్రి, వైయస్ సోదరుడు వైయస్ వివేకానందరెడ్డి శుక్రవారం హెచ్చరించారు. వైయస్‌ను విమర్శిస్తే చూస్తూ కూర్చోనని చెప్పారు. వైయస్‌ను అవినీతి పరుడంటే సహించేది లేదన్నారు. మాజీ పార్లమెంటు సభ్యుడు వైయస్ జగన్మోహన్ రెడ్డి ఇమేజ్ డ్యామేజ్‌ చేయడం ద్వారా వైయస్ ఇమేజ్‌ను దెబ్బతీసేందుకు కొందరు ప్రయత్నాలు చేస్తున్నారన్నారు. మా పార్టీలోని వారైనా, విపక్షాలైనా ఎవరు వైయస్‌ను విమర్శించినా ఊరుకునేది లేదన్నారు.

మేం రాజకీయాల్లోకి వచ్చి డబ్బులు సంపాదించలేదన్నారు. 30 ఏళ్లుగా మా నాన్న డబ్బుతోనే మేం రాజకీయాల్లో ఉన్నామని చెప్పారు. వైయస్‌ను ఎవరు విమర్శించినా ఎదురుదాడి చేస్తామన్నారు. కొందరు వైయస్ ఇమేజ్ దెబ్బతీసే కుట్రలను నేను తిప్పి కొడతానని చెప్పారు.

English summary

Agricultural Minister YS Vivekananda Reddy condemned comments against Late YS Rajasekhar Reddy today. He fired at ruling party leaders and opposition leaders, who were speaking against YSR. He said we were in politics from 30 years, the efforts to damage YS image would not be tolerated, he said.