• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

తెరాసను విలీనం చేయిస్తారా?: కాంగ్రెసు హైకమాండ్ షరతు

By Pratap
|
Google Oneindia TeluguNews
Congress
న్యూఢిల్లీ: తెలంగాణ ఇస్తే తెలంగాణ రాష్ట్ర సమితి (తెరాస)ని పార్టీలో విలీనం చేయిస్తారా అని కాంగ్రెసు అధిష్టానం పెద్దలు తమ పార్టీ శాసనసభ్యులను, ఎమ్మెల్సీలను అడుగుతున్నట్లు సమాచారం. తెలంగాణపై ఒత్తిడి తేవడానికి ఢిల్లీ వచ్చిన పార్టీ ప్రతినిధులకు వారు ఆ ప్రశ్న వేస్తన్నట్లు తెలుస్తోంది. కాంగ్రెసుకు చెందిన 30 మంది ప్రజాప్రతినిధులు సోమవారం రాత్రి సోనియా గాంధీ రాజకీయ సలహాదారు అహ్మద్ పటేల్‌తో సమావేశమయ్యారు. తెలంగాణపై ప్రకటన చేయాలని వారు డిమాండ్ చేశారు. తెలంగాణపై వాదన వినిపించడానికి మినీ కోర్ కమిటీతో సమావేశం ఏర్పాటు చేయిస్తానని ఆయన వారికి హామీ ఇచ్చినట్లు తెలుస్తోంది.

తెలంగాణలో తాము తిరిగే పరిస్థితి లేదని, తెలంగాణకు అనుకూలంగా నిర్ణయం తీసుకోకపోతే తాము ప్రజల్లోకి వెళ్లే పరిస్థితి ఉండదని, ఇప్పటికే చాలా ఇబ్బందులకు గురవుతున్నామని, సహాయ నిరాకరణ ఉద్యమం వల్ల తాము మరింతగా ఇక్కట్ల పాలవుతామని, తమ సమస్యను గుర్తించి తెలంగాణకు అనుకూలంగా ప్రకటన చేయాలని కాంగ్రెసు తెలంగాణ ప్రతినిధులు మొర పెట్టుకుంటున్నారు. రాజీనామాలు చేయాలని తమపై ఒత్తిడి పెరుగుతోందని వారు చెబుతున్నారు. మరో రెండు రోజుల పాటు కాంగ్రెసు ప్రజాప్రతినిధులు ఢిల్లీలోనే మకాం వేసే సూచనలున్నాయి. తెరాసను విలీనం చేయిస్తారా అని అధిష్టానం పెద్దలు వేస్తున్న ప్రశ్నకు సమాధానం చెప్పలేక వారు సతమతమవుతున్నారు.

English summary
Congress MLAs from Telangana region, who came Delhi to put pressure on high command are facing trouble with the attitude of later's question. Congress high command representatives are asking Telangana MLAs, whether they are in a position to take risk for TRS merger in Congress.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X