వైయస్ జగన్ తెలంగాణకు వ్యతిరేకం కాదు: గోనె ప్రకాష్ రావు

By Srinivas

Published: Tuesday, February 15, 2011, 16:56 [IST]

మహబూబ్‌నగర్: మాజీ పార్లమెంటు సభ్యుడు వైయస్ జగన్మోహన్ రెడ్డి ప్రత్యేక తెలంగాణకు వ్యతిరేకంగా కాదని జగన్ వర్గం నేత గోనె ప్రకాష్ రావు మంగళవారం స్పష్టం చేశారు. తెలంగాణ అంశంపై కేంద్రం ఎలాంటి నిర్ణయం తీసుకున్నా ఆ నిర్ణయానికి కట్టుబడి ఉంటామని చెప్పారు. అంధ్రప్రదేశ్ తెలంగాణ, సీమాంధ్ర రెండు రాష్ట్రాలుగా విభజించబడినప్పటికీ రెండు రాష్ట్రాల్లోనూ జగన్ పార్టీ ఉంటుందని చెప్పారు. కేంద్రమంత్రి జైపాల్ రెడ్డి ఊసరవెల్లి రాజకీయాలు చేస్తున్నారని ధ్వజమెత్తారు.

కొందరు ఉద్యమాల పేరుతో పదవులు పొంది ఆ తర్వాత ప్రత్యేక తెలంగాణ రాష్ట్రం వాదనను విస్మరిస్తున్నారని ఆరోపించారు. మంగళవారం వైయస్ జగన్ వర్గం నేతలు, అభిమానులు మహబూబ్‌నగర్‌లో సమావేశం అయ్యారు. ఈ సమావేశానికి వేలాది మంది హాజరయ్యారు. సమావేశం అనంతరం గోనె విలేకరులతో మాట్లాడారు.

Published On February 15, 2011