నల్గొండ పెద్దగట్టు జాతర కారణంగా ఎన్‌హెచ్-9 దిగ్బంధం వాయిదా

హైదరాబాద్: సహాయ నిరాకరణలో భాగంగా ఈ నెల 19న నేషనల్ హైవే-9 రహదారి దిగ్బంధానికి పిలుపునిచ్చిన తెలంగాణ ఐక్య కార్యాచరణ సమితి దిగ్బంధం తేదిని వాయిదా వేసుకున్నది. తేదిని వాయిదా వేసినప్పటికీ ఎప్పుడు నిర్వహించాలనే విషయాన్ని ఇంకా ఖరారు చేయలేదు. నల్గొండ జిల్లాలో పెద్ద ఎత్తున జరగనున్న పెద్దగట్టు జాతర కారణంగా ఈనెల 19న జరగాల్సిన జాతీయ రహదారి దిగ్బంధాన్ని వాయిదా వేసుకున్నట్లు జెఏసి చైర్మన్ ప్రొఫెసర్ కోదండరామ్ చెప్పారు.

పెద్దగట్టు జాతర పెద్ద ఎత్తున తెలంగాణ వారు జరుపుకుంటారని, ఇది వారం రోజుల పాటు జరుగుతుందని ఆ కారణంగా జాతర ప్రారంభోత్సవం రోజున ఉన్న రహదారి దిగ్బంధాన్ని వాయిదా వేసుకున్నట్లు చెప్పారు. త్వరలో తేదీని ఖరారు చేసి ప్రకటిస్తామని చెప్పారు.

English summary

Telangana Joint Action Committee postponed it's National Highway-9 obstruction due to Peddagattu Jathara which is to be held in Nalgonda district.