సోనియా గాంధీకి క్షమాపణలు చెప్పిన బిజెపి అగ్రనేత అద్వానీ

న్యూఢిల్లీ: తమ పార్టీ టాస్క్‌ఫోర్స్ నివేదికపై బిజెపి అగ్రనేత ఎల్‌కె అద్వానీ కాంగ్రెసు అధ్యక్షురాలు సోనియా గాంధీకి క్షమాపణలు చెప్పారు. స్విస్ బ్యాంకులో సోనియాకు, ఆమె భర్త రాజీవ్ గాంధీకి ఖాతాలున్నాయని బిజెపి టాస్క్‌ఫోర్స్ ఆరోపించింది. ఆ ఆరోపణకు గాను సోనియాకు అద్వానీ క్షమాపణ చెప్పారు. విదేశీ బ్యాంకుల్లో ఉన్న భారతీయుల ఖాతాలను కనిపెట్టి, వాటిలోని డబ్బులను వెనక్కి తెప్పించేందుకు తీసుకోవాల్సిన చర్యలపై సూచనలు చేయడానికి బిజెపి ఓ టాస్క్‌ఫోర్స్‌ను నియమించింది.

తనకు గానీ తన భర్తకు గానీ స్విస్ బ్యాంకులో ఖాతాలు లేవని సోనియా గాంధీ ఓ లేఖలో అద్వానీకి తెలిపినట్లు సమాచారం. సోనియా లేఖకు అద్వానీ సమాధానం రాస్తూ తన టాస్క్‌ఫోర్స్ నివేదికలో ఆ విధమైన ఆరోపణలు చేసినందుకు విచారం వ్యక్తం చేశారు. నివేదికలో గాంధీ కుటుంబ సభ్యుల పేర్లున్నాయని ప్రచారం జరిగినప్పుడే సోనియా గాంధీ ఖండించాల్సి ఉండిందని ఆయన అన్నారు. అలా చేసి ఉంటే గాంధీల పేర్లు అందులో ఉండేవి కావని ఆయన అన్నారు.

English summary

Senior BJP leader L K Advani has apologised to Congress President Sonia Gandhi for a party-appointed task force report, which had alleged that she and her late husband Rajiv had accounts in Swiss banks.