మార్చి 6న హైటెక్స్‌లో అల్లు అర్జున్, స్నేహారెడ్డిల వివాహం

By Srinivas

Published: Sunday, February 20, 2011, 13:19 [IST]

హైదరాబాద్‌: ప్రముఖ యువ నటుడు, మెగాస్టార్ చిరంజీవి అల్లుడు అల్లు అర్జున్‌ వివాహం వచ్చే మార్చి 6న జరగనుంది. రాజధాని హైదరాబాద్‌ మాదాపూర్‌లోని హైటెక్స్‌ వేదికగా వివాహ వేడుకను నిర్వహించనున్నట్లుగా తెలుస్తోంది. హైదరాబాద్‌కు చెందిన శ్వేతారెడ్డితో బన్ని వివాహం జరగనుంది. వివాహ ముహూర్తాన్ని రాత్రి 10.33 నిమిషాలకు నిర్ణయించారు. ఈ వివాహానికి సంబంధించిన పెళ్లి పత్రికలను ఇప్పటికే సన్నిహితులు, బంధువులకు అందజేశారు. పాలకొల్లులో రిసెప్షన్‌ వేడుకలు జరగనున్నాయి.

స్నేహారెడ్డి అమెరికాలో ఎమ్మెస్ చదివింది. వారిది ప్రేమ వివాహం వార్తలు వచ్చిన నేపథ్యంలో మొదట తల్లిదండ్రులు ఒప్పుకోలేదని, ఆ తర్వాత ఇరువర్గాల తల్లిదండ్రులు ఒప్పుకొని పెళ్లికి సిద్దపడ్డట్టు వార్తలు వచ్చాయి. స్నేహారెడ్డి ఇబ్రహీంపట్నంలో బిటెక్ చేసి అమెరికాలో ఎమ్మెస్ చేసింది. అమె తండ్రికి విద్యాసంస్థలు ఉన్నాయి.

Published On February 20, 2011