వైఎస్ జగన్‌లో భారతి: దీక్షా శిబిరంలో కలిసిన భార్య, తల్లి విజయమ్మ

By Srinivas

Published: Sunday, February 20, 2011, 14:17 [IST]

హైదరాబాద్: ప్రభుత్వం వెంటనే ఫీజు రీయింబర్స్‌మెంట్స్‌ చెల్లించాలంటూ హైదరాబాద్‌లోని ఇందిరాపార్కు, వరలక్ష్మీ ప్రాంగణం వద్ద దీక్ష చేస్తున్న మాజీ పార్లమెంటు సభ్యుడు వైఎస్ జగన్మోహన్ రెడ్డిని ఆయన తల్లి విజయమ్మ, భార్య భారతి వచ్చి పరామర్శించారు. మూడు రోజులుగా జగన్ దీక్ష చేస్తుండటంతో ఆయన ఆరోగ్యంపై అడిగి తెలుసుకున్నారు. తన ఆరోగ్యానికి ఫరవాలేదని ఆయన వారికి చెప్పారు. కాగా ఇంజనీరింగ్ కళాశాలల యాజమాన్యాలు సైతం జగన్ దీక్షకు మద్దతు ప్రకటించేందుకు సిద్ధపడినట్లుగా తెలుస్తోంది.

కాగా జగన్ దీక్షకు విద్యార్థులు సైతం భారీగా మద్దతు తెలుపుతున్నారు. జగన్ ఫీజు పోరుకు ఉస్మానియా, నాగార్జున, జవహర్ లాల్ నెహ్రూ యూనివర్శిటీ విద్యార్థులు మద్దతు ప్రకటించారు. పలువురు విద్యార్థులు ఆయనను కలిసి సంఘీభావం తెలిపారు. మరికొందరు ఆయనతో పాటు దీక్షలో కూర్చున్నారు. ఫీజు రీయింబర్స్‌మెంట్ బకాయిలను ప్రభుత్వం వెంటనే విడుదల చేయాలని వారు డిమాండ్ చేశారు. మరోవైపు జగన్ దీక్షకు మద్దతు తెలిపేందుకు పెద్ద ఎత్తున ప్రజలు దీక్షాస్థలికి తరలివస్తున్నారు.

Published On February 20, 2011