కిరణ్‌ కుమార్‌కు సికె బాబు షాక్, వైయస్ జగన్‌కు మద్దతు

By Srinivas

Published: Monday, February 21, 2011, 11:23 [IST]

హైదరాబాద్: మాజీ పార్లమెంటు సభ్యుడు వైయస్ జగన్మోహన్ రెడ్డికి అంశాలవారిగా మద్దతు ప్రకటిస్తానని ముఖ్యమంత్రి కిరణ్‌కుమార్ రెడ్డి సొంత జిల్లా అయిన చిత్తూరు జిల్లానుండి ప్రాతినిధ్యం వహిస్తున్న సికె బాబు అన్నారు. సికె బాబుది సిఎం సొంత జిల్లా కావడమే కాకుండా సిఎంకు చాలా దగ్గరగా ఉండేవాడు. ప్రజా సమస్యలపై పోరాడుతున్న జగన్‌కు తన మద్దతు ఉంటుందని చెప్పారు. పనిలో పనిగా ముఖ్యమంత్రిపై కూడా విరుచుకు పడ్డారు. ముఖ్యమంత్రి తీరు సరిగా లేదని ఆరోపించారు.

నాపై హత్యా యత్నం జరిగినప్పుడు పిలిచి మాట్లాడలేదన్నారు. కనీసం ఫోన్‌లో అయినా పరామర్శించలేదన్నారు. తాను సిఎం కిరణ్ తండ్రికి కూడా ముఖ్య అనుచరుడిగా ఉండేవాడినన్నారు. అలాంటి నాపట్ల కిరణ్ తీరు సరిగా లేదని ఆక్షేపించారు. సిఎం సొంత జిల్లాతో పాటు అయనకు దగ్గరగా ఉండే సికె బాబు జగన్‌కు మద్దతు తెలుపాతనని చెప్పడం చర్చనీయాంశంగా మారింది.

Published On February 21, 2011