రాజీనామాకు తెలుగుదేశం ఎమ్మెల్యే పోచారం శ్రీనివాస రెడ్డి రెడీ

హైదరాబాద్ : నిజామాబాద్ జిల్లా బాన్సువాడ తెలుగుదేశం శాసనసభ్యుడు పోచారం శ్రీనివాసరెడ్డి త్వరలో పార్టీకి, ఎమ్మెల్యే పదవికి రాజీనామా చేయనున్నట్లు సమాచారం. ఆయన శనివారం డిప్యూటీ స్పీకర్ నాదెండ్ల మనోహర్‌ను కలిసి ఆ విషయం తెలియజేశారు. త్వరలో ఎమ్మెల్యే పదవికి రాజీనామా చేయన్నుట్లు పోచారం డిప్యూటీ స్పీకర్‌కు తెలిపారు. రాజీనామా విషయమై ఆయన తన నియోజకవర్గ కార్యకర్తలతో సమావేశం కానున్నారు.

కాగా పోచారం రాజీనామా చేస్తే తమ పార్టీకి ఎలాంటి నష్టం లేదని తెలుగుదేశం పార్టీ ప్రకటించింది. పోచారం శ్రీనివాస రెడ్డి శుక్రవారం తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావును కలిశారు. తెలంగాణపై పార్టీ అధ్యక్షుడు నారా చంద్రబాబునాయుడి రెండ కళ్ల సిద్ధాంతానికి నిరసనగా రాజీనామా చేయాలని పోచారం శ్రీనివాస రెడ్డి ఇది వరకే నిర్ణయం తీసుకున్నారు. తెరాసతో కలిసి ఆయన పని చేస్తూ వస్తున్నారు.

English summary

TDP Nizamabad Bansuwada MLA Picharam Srinivas Reddy prepared resign as MLA and from his party. He decided join into TRS, protesting against TDP president Chandrababu's anti Telangana stand.