• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

ఎంపీ కావూరి వ్యాఖ్యల ఎఫెక్ట్: మంత్రి జూపల్లి కృష్ణారావు రాజీనామా

By Srinivas
|

Jupalli Krishna Rao
హైదరాబాద్: ఏలూరు పార్లమెంటు సభ్యుడు కావూరి సాంబశివరావు ప్రభావం తెలంగాణ నేతల పైన పడినట్టుగా కనిపిస్తోంది. బుధవారం కావూరి తెలంగాణ నేతల రాజీనామాలపై ప్రశ్నించిన విషయం తెలిసిందే. నేతలు రాజీనామాలు చేయకుండా సీమాధ్రులపై దాడి చేయడమేమిటని ఆయన ప్రశ్నించారు. దీంతో దేవాదాయశాఖ మంత్రి జూపల్లి కృష్ణారావు మనస్థాపం చెంది తన మంత్రి పదవికి రాజీనామా చేశారు. ఏఐసిసి అధ్యక్షురాలు సోనియాగాంధీకి ఆయన తన రాజీనామా లేఖను రాశారు. అయితే దానిని ఇంకా పంపించలేదు. గురువారం పంపించనున్నట్టుగా తెలుస్తోంది. ప్రస్తుత పరిస్థితుల్లో ప్రజల్లో తిరిగే పరిస్థితి లేదని ఆయన తన లేఖలో సోనియాకు విన్నవించినట్లుగా తెలుస్తోంది. తెలంగాణపై సాధ్యమైనంత తొందరగా నిర్ణయం తీసుకోవాలని ఆయన కోరినట్టుగా తెలుస్తోంది. ముఖ్యమంత్రి కిరణ్‌కుమార్ రెడ్డి ద్వారా సోనియాకు లేఖను అందించనున్నట్టుగా తెలుస్తోంది.

జూపల్లి రాజీనామాపై ముఖ్యమంత్రి స్పందించారు. ఇలా రాజీనామాలకు పాల్పడవద్దని ముఖ్యమంత్రి జూపల్లిని కోరినట్టుగా తెలుస్తోంది. తెలంగాణ అంశం కేంద్రం పరిధిలో ఉన్నందున ఇక్కడ రాజీనామాలు చేస్తే సరికాదని హితబోధ చేసినట్టుగా తెలుస్తోంది. అయినప్పటికీ జూపల్లి సిఎం మాటలు బేఖాతరు చేసినట్టుగా తెలుస్తోంది. కాగా మంత్రి జూపల్లి రాజీనామా ఇతర మంత్రులకు, ఎమ్మెల్యేలను ఇబ్బందులకు గురి చేయనుంది. కావూరి వ్యాఖ్యలకు స్పందించిన రాజీనామాస్త్రం ప్రయోగించిన జూపూడి బాటలో మిగిలిన ఎమ్మెల్యేలు, మంత్రులు వెళ్లకుంటే తెలంగాణవాదులు వారిపై ఒత్తిడి తెచ్చే అవకాశముంది. తెలంగాణకు చెందిన మంత్రులు, ఎమ్మెల్యేల దృష్ట్యా జూపల్లి వెనక్కు తగ్గవచ్చని తెలుస్తోంది.

కావూరి సాంబశివ రావు వ్యాఖ్యలకు సవాల్‌గానే తాను రాజీనామా చేసినట్లు జూపల్లి కృష్ణా రావు చెప్పారు. తెలంగాణను సాధించడానికి తాను రాజీనామా చేశానని ఆయన చెప్పారు.

English summary
Minister Jupalli Krishna Rao resigned to his ministry today. He wrote a letter to AICC president Sonia Gandhi, but it was not sent. CM Kiran Kumar Reddy warned him to withdraw.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X