నాగంపైకి చంద్రబాబు ఎమ్మెల్యేలను ఉసిగొల్పుతున్నారు: గండ్ర

By Srinivas

Published: Monday, March 7, 2011, 14:27 [IST]

హైదరాబాద్: తెలుగుదేశం పార్టీ అధ్యక్షుడు చంద్రబాబునాయుడు తెలంగాణను అనుకూలంగా మాట్లాడిన తన పార్టీ శాసనసభ్యులపై మిగిలిన శాసనసభ్యులను పురిగొల్పుతున్నారని కాంగ్రెస్ యువ ఎమ్మెల్యే గండ్ర వెంకటరమణారెడ్డి సోమవారం అసెంబ్లీ మీడియా పాయింట్ వద్ద ఆరోపించారు. తెలంగాణ విషయంలో చంద్రబాబు వైఖరిని ఆయన ఖండించారు. అసెంబ్లీలో తెలంగాణకు అనుకూలంగా మాట్లాడిన టిడిపి సీనియర్ ఎమ్మెల్యే నాగం జనార్ధన్ రెడ్డిపై అదే పార్టీకి చెందిన తెలంగాణ ఎమ్మెల్యేలు ధ్వజమెత్తడం వారి పార్టీ అంతర్గత విషయం అయినప్పటికీ తెలంగాణపై చంద్రబాబు వైఖరిని అది తెలియజేస్తుందన్నారు.

మా పార్టీలోని కొందరు సీనియర్ నాయకులు కూడా తెలంగాణపై వివిధ రకాల వ్యాఖ్యలు చేయడాన్ని కూడా ఖండిస్తున్నట్టు చెప్పారు. మాజీ ముఖ్యమంత్రి రోశయ్య తెలంగాణపై పలు రకాల కామెంట్లు చేస్తున్నారని అది సరికాదన్నారు. నాలుగు కోట్ల తెలంగాణ ప్రజల మనోభావాలను కించపరిచే విధంగా రోశయ్యకు సరికాదన్నారు. కాకా వంటి మరికొందరు సీనియర్లు కాంగ్రెస్ అధిష్టానాన్ని, సోనియాగాంధీని ప్రశ్నించినట్టు మాట్లాడటం సరికాదన్నారు. అధిష్టానాన్ని ఒప్పించి తెలంగాణ సాధిస్తామని చెప్పారు.

Published On March 7, 2011