నాగం ఉంటే నేను వెళ్లను, ఆయనతో పని చేయను: మోత్కుపల్లి

By Srinivas

Published: Wednesday, March 9, 2011, 15:00 [IST]

హైదరాబాద్: తెలుగుదేశం పార్టీ తెలంగాణలో విభేదాలు తారాస్థాయికి చేరినట్లుగా తెలుస్తోంది. తెలంగాణ టిడిపి ఎమ్మెల్యేల్లో విభేదాలు రోజురోజుకు భగ్గుమంటున్నాయి. అంత చల్లబడిందనుకుంటున్న ఈ తరుణంలో తాజాగా టిడిపి సీనియర్ శాసనసభ్యుడు మోత్కుపల్లి నరసింహులు మరో స్టేట్‌మెంట్ ఇచ్చారు. ఈ స్టేట్‌మెంట్‌తో విభేదాలు చల్లబడినాయి అని అనుకున్నప్పటికీ నాగం జనార్ధన్ రెడ్డి - మోత్కుపల్లి నరసింహులు మధ్య విభేదాలు మాత్రం రోజు రోజుకు పెరుగుతున్నట్టుగా కనిపిస్తున్నాయి.

తాజాగా మోత్కుపల్లి తన పార్టీకే చెందిన నాగం జనార్ధన్ రెడ్డితో తాను పని చేయనని ఆయన చెప్పారు. ఆయనతో పని చేయడం ఇష్టం లేదని చెప్పారు. టిడిపి తెలంగాణ ఫోరంకు నాగం నాయకత్వాన్ని ఆమోదించే ప్రసక్తే లేదని ఆయన ఖరాఖండిగా చెబుతున్నారు. నాగం జనార్ధన్ రెడ్డి తెలంగాణ టిడిపి ఫోరం కన్వీనర్‌గా ఉన్నంత కాలం తాను సమావేశాలకు వెళ్లేది లేదని తేల్చి చెప్పారు. అంతేకాకుండా తెలంగాణ ఐక్య కార్యాచరణ సమితి చైర్మన్ ప్రొఫెసర్ కోదండరామ్తో కలిసి పని చేస్తానని చెప్పారు.

Published On March 9, 2011