వైయస్ జగన్‌వి ఉత్తర కుమార ప్రగల్భాలు: ఎన్ తులసీరెడ్డి

హైదరాబాద్: మాజీ పార్లమెంటు సభ్యుడు వైయస్ జగన్మోహన్ రెడ్డి శ్రీకాకుళం జిల్లాలో మాట్లాడిన మాటలను ప్రదేశ్ కాంగ్రెస్ కమిటీ అధికార ప్రతినిధి ఎన్.తులసీరెడ్డి బుధవారం ఖండించారు. జగన్‌కు భద్రత తగ్గించారన్న అంబటి రాంబాబు వ్యాఖ్యలను కూడా ఆయన ఖండించారు. సంవత్సరానికి పైగా పార్లమెంటు సభ్యుడుగా ఉన్న వైయస్ జగన్ ప్రజా సమస్యలపై పార్లమెంటులో గానీ, మరెక్కడా నోరు మెదపలేదని ఇప్పుడు మాత్రం తాను ముఖ్యమంత్రిని అయితే థర్మల్ పవర్ ప్రాజెక్టు రద్దు ఫైలుపై మొదటి సంతకం చేస్తానని చెప్పడం విడ్డూరమన్నారు.

జగన్‌వి అన్ని ఉత్తర కుమార ప్రగల్భాలు అన్నారు. ఇప్పుడు జగన్ ప్రజా సమస్యలపై స్పందిస్తానని చెప్పడం విడ్డూరంగా ఉందన్నారు. జగన్‌కు భద్రత తగ్గించారని అంటున్నారని, కానీ అందులో ఎలాంటి నిజం లేదన్నారు. ఒక ఎమ్మెల్యేగా కూడా లేని జగన్‌కు సుమారు 40మంది గన్‌మెన్లు ఉండటం అందరూ గమనించాలన్నారు.

English summary

Pradesh Congress Committee spoke person N Tulasi Reddy accused Ex parliament member YS Jaganmohan Reddy today. He condemned YS Jagan CM comments.