వైయస్ జగన్‌తోనే రాజకీయ జీవితం: పీఆర్పీ మాజీ నేత వాసిరెడ్డి పద్మ

By Srinivas

Published: Wednesday, March 9, 2011, 17:48 [IST]

హైదరాబాద్: మాజీ పార్లమెంటు సభ్యుడు వైయస్ జగన్మోహన్ రెడ్డి పెట్టే పార్టీలో తాను త్వరలో చేరనున్నట్లు మాజీ ప్రజారాజ్యం పార్టీ నేత వాసిరెడ్డి పద్మ బుధవారం చెప్పారు. ఈ నెల 12వ తేదిన తూర్పుగోదావరి జిల్లా జగ్గంపేటలో జరిగే సభలో తనతో పాటు తన భర్త వెస్లీ కలిసి యువనేత వర్గంలో చేరుతామని చెప్పారు. జగన్‌కు అశేష ప్రజల ఆదరాభిమానాలు ఉన్నాయన్నారు. ఆయన ఎక్కడకు వెళ్లినా ప్రజలు బ్రహ్మరథం పడుతున్నారన్నారు.

రాష్ట్రం కుక్కలు చింపిన విస్తరిగా మార్చిన కాంగ్రెస్ పార్టీలో ఏ పదవీ స్వీకరించకూడదనే ఉద్దేశ్యంతోనే తాను పీఆర్పీ అధ్యక్షుడు తీసుకున్న నిర్ణయానికి కట్టుబడ లేదని చెప్పారు. రాష్ట్రంలో ప్రస్తుత పరిస్థితికి కాంగ్రెస్ పార్టీయే కారణం అని అన్నారు. ఇక తన రాజకీయ జీవితం జగన్‌తోనే అని ఆమె చెప్పారు. జగన్ రాజకీయాలకు దిక్సూచి అవుతారని ఆమె ఆశాభావం వ్యక్తం చేశారు.

Published On March 9, 2011