రెచ్చగొడితే ప్రభుత్వం కూలుతుంది: ఈటెల రాజేందర్

హైదరాబాద్: తెలంగాణ ఐక్య కార్యాచరణ సమితి ఆధ్వర్యంలో గురువారం తలపెట్టిన మిలియన్ మార్చ్ తప్పకుండా జరిగి తీరుతుందని తెలంగాణ రాష్ట్ర సమితి శాసనసభా పక్షనేత ఈటెల రాజేందర్ గురువారం శాసనసభ వాయిదా పడిన అనంతరం చెప్పారు. హైదరాబాద్ నగరం అప్రకటిత కర్ఫ్యూలో ఉన్నట్టుగా కనిపిస్తోందన్నారు. మధ్యాహ్నం ఒంటిగంట నుండి సాయంత్రం నాలుగు గంటల వరకు యథావిథిగా మార్చ్ ఉంటుందని చెప్పారు. మార్చ్‌ను శాంతియుతంగా కొనసాగిస్తామని ఎవరూ అడ్డుకోవద్దని చెప్పినప్పటికీ ప్రభుత్వం పెడ చెవిన పెడుతోందన్నారు. మిలియన్ మార్చ్‌కోసం వస్తున్న కార్యకర్తలను పోలీసులు నిర్భందిస్తున్నారని ఆయన ఆరోపించారు. అరెస్టులంటూ ప్రజలను రెచ్చగొట్ట కూడదని అన్నారు.

ప్రజలను రెచ్చగొడితే ప్రభుత్వం కూలిపోతుందని హెచ్చరించారు. ముందస్తు అరెస్టులతో తెలంగాణవాదులను హైదరాబాద్ రాకుండా పోలీసులు అడ్డుకుంటున్నారన్నారు. మిలియన్ మార్చ్‌కు నాలుగు రోజుల ముందునుండే అరెస్టులు ప్రారంభించారని ఆరోపించారు. పోలీసులు ఎంత అడ్డుకున్నా మిలియన్ మార్చ్‌ను కొనసాగిస్తామని చెప్పారు.

English summary

TRSLP Etela Rajender said that Telanganites million march will continue today. he accused police were arresting students and people who are coming to march.