జపాన్‌లో భయంకరమైన భూకంపం, సూనామీ ప్రమాద హెచ్చరిక

టోక్యో: జపాన్‌ను శుక్రవారం భారీ భూకంపం తాకింది. రిక్టర్ స్కేలుపై భూకంప తీవ్రత 8.8గా నమోదైంది. ప్రమాదకరమైన సునామీ కూడా తాకే ప్రమాదం ఉందని హెచ్చరికలు జారీ చేశారు. భూకంప తాకిడికి పలువురు గాయపడినట్లు సమాచారం అందింది. అయితే మరణాలు సంభవించినట్లు సమాచారం అందలేదు. పసిఫిక్ కోస్తా ప్రాంతంలోని మియాగి భూకంపానికి గురైంది. ఆ ప్రాంతాన్ని వరదలు ముంచేస్తున్న దృశ్యాలు టీవీ చానెళ్లలో ప్రసారమవుతున్నాయి.

భూకంప తీవ్రతకు టోక్యోలోని భవనాలు కూడా కదిలిపోయాయి. టోక్యోలో ప్రకంపనాలకు ఆరు అగ్నిప్రమాదాలు సంభవించాయి. సబ్ వే వ్యవస్థ పనిచేయకుండా పోయింది. భయకంపితులైన ప్రజలు ఇళ్ల నుంచి బయటకు పరుగులు తీశారు. జపాన్ తీర ప్రాంతాన్ని సముద్రం ఉప్పొంగుతుండడంతో నీరు ముంచెత్తుతోంది. భూకంపం తర్వాత కూడా ప్రకంపనలు చోటు చేసుకున్నాయి. టోక్యోలోని శివారులో బుల్లెట్ రైళ్లు కూడా ఆగిపోయాయి. యొకోహామాలోని ఇసోగో ప్రాంతంలో దట్టమైన పొగలు వ్యాపించాయి. గత 20 ఏళ్లలో జపాన్‌ను ఇంతటి భయంకరమైన భూకంపం తాకలేదు.

English summary

A massive 8.9 magnitude quake hit northeast Japan Friday, causing many injuries, fires and a four-meter (13-ft) tsunami along parts of the country's coastline, NHK television and witnesses reported.