హైదరాబాద్‌లో జగన్ పార్టీ కార్యాలయం: ప్రారంభించిన విష్ణువర్ధన్ రెడ్డి

హైదరాబాద్: మాజీ పార్లమెంటు సభ్యుడు వైఎస్ జగన్మోహన్ రెడ్డి తన పార్టీని ప్రారంభించగానే రాష్ట్రంలో జగన్ పార్టీకి చెందిన వైఎస్ఆర్ కాంగ్రెస్ పార్టీ కార్యాలయాలు పెద్ద ఎత్తున ప్రారంభమవుతున్నాయి. ఇన్నాళ్లు జగన్ పార్టీ కోసం ఎదురు చూసిన ఆయన అభిమానులు ఇప్పుడు పార్టీ కార్యాలయ నిర్మాణాల్లో మునిగిపోయారు. ఇప్పటికే రాష్ట్రవ్యాప్తంగా పలు కార్యాలయాలు ప్రారంభం అయ్యాయి. హైదరాబాద్‌లోని అబిడ్స్‌లోని వైఎస్ఆర్ కాంగ్రెస్ పార్టీ కార్యాలయాన్ని ప్రారంభించారు. ఈ కార్యాలయాన్ని రంగారెడ్డి జిల్లా డిసిసి మాజీ ప్రధాన కార్యదర్శి విష్ణువర్దన్ రెడ్డి ప్రారంభించారు.

కాగా అన్ని పార్టీ కార్యాలయాల కంటే ముందుగా పశ్చిమ గోదావరి జిల్లా పాలగూడెం గ్రామంలో కార్యాలయం ప్రారంభం అయింది. ఆ తర్వాత పలు ప్రాంతాల్లో అభిమానులు కార్యాలయాల ఏర్పాటు కోసం కృషి చేస్తున్నారు. కాగా శనివారం ఇడుపుల పాయ వద్ద పార్టీ ప్రకటన చేసిన అనంతరం అక్కడినుండి బయలుదేరి హైదరాబాద్‌కు చేరుకున్నారు.

English summary

YSR Congress Party offices inaugurating all over Andhra Pradesh after Jagan's announcment. Former Rangareddy DCC president Vishnuvardhan Reddy inaugurated YSR Congress Party office in Abids.