ఆస్ట్రెలియాలో భారత విద్యార్థినిపై సామూహిక అత్యాచారం, హత్య

సిడ్నీ: అస్ట్రేలియాలో మరో భారత విద్యార్థిని హత్య జరిగింది. అస్ట్రేలియాలోని సిడ్నీలో చదువుతున్న తోషా థక్కర్ అనే భారత విద్యార్థినిపై కొందరు దుండగులు సామూహిక హత్యాచారానికి పాల్పడి హత్య చేసినట్టుగా తెలుస్తోంది. తోషాను హత్య చేసిన అనంతరం దుండగులు ఆమె మృతదేహాన్ని ఓ సూట్‌కేసులో ఉంచారు. పోలీసులు తోషా మృతదేహాన్ని సూట్‌కేసులో కనుగొన్నారు. పోలీసులు కేసు నమోదు చేసుకొని దర్యాఫ్తు చేస్తున్నారు.

తోషా మృతదేహం శుక్రవారంనాడు మీడోబ్యాంక్ పార్క్ వెనక గల కాలువలో కనిపించింది. 19 ఏళ్ల డానియల్ స్టానీ - రీగినాల్డ్‌పై అత్యాచారం, హత్య కేసులు నమోదు చేశారు. స్టానీ - రీగినాల్డ్ శ్రీలంక సంతతికి చెందిన ఆస్ట్రేలియన్. అతన్ని శుక్రవారం రాత్రి అరెస్టు చేశారు. థక్కర్ తల్లిదండ్రులు ఆస్ట్రేలియా వస్తారా, లేదా అనేది ఇంకా నిర్ణయం కాలేదని డిటెక్టివ్ చీఫ్ ఇన్‌స్పెక్టర్ పామెలా యంగ్ చెప్పారు.

English summary

The body of a 24-year-old Indian-origin student, who was murdered after being sexually assaulted, was found stuffed in a suitcase in a park in Sydney, a media report said Monday. Police said the "predator" had waited until her housemate was away to sexually assault and kill her.