ఎమ్మెల్యేలకు ప్రభుత్వం తాయిలాలు: ఉగాదినుండి అమలు

హైదరాబాద్: రాష్ట్ర ప్రభుత్వం శాసనసభ్యులకు మంగళవారం తాయిలాలు ఇచ్చింది. ఎమ్మెల్యేలు చేసిన కొన్ని అర్జీలకు ప్రభుత్వం ఒప్పుకొంది. వీటిని ఉగాదినుండి అమలులోకి తెచ్చే అవకాశమున్నట్టుగా తెలుస్తోంది. ఎమ్మెల్యేల కోరిక మేరకు ప్రతి ఎమ్మెల్యే నియజక వర్గంలో కార్యాలయం, కార్యాలయ సిబ్బందిని నియమించేందుకు ప్రభుత్వం అంగీకరించినంది.

అంతేకాకుండా వారి వాహన రుణ పరిమితిని కూడా నాలుగు లక్షల రూపాయలనుండి పది లక్షల రూపాయలకు పెంచింది. అయితే ప్రభుత్వం జీతాల విషయంపై ఇంకా నిర్ణయం తీసుకోలేదు. కాగా నియోజకవర్గ అభివృద్ధి నిధులను రూ.కోటినుండి రెండు కోట్లకు పెంచాలన్న ప్రతిపాదనపై కూడా ప్రభుత్వం నిర్ణయం తీసుకోలేదు. ఇప్పటికే మహారాష్ట్ర, ఒరిస్సా వంటి పలు రాష్ట్రాల్లో ఎమ్మెల్యేల జీతాలు పెరిగాయి.

English summary

AP state government increased MLAs fecilites today. Government accepted to vehicle lone up to 10 lacks and to arrange office, staff in consituency centre.