హసన్ అలీకి చుక్కెదురు, అరెస్టుకు సుప్రీంకోర్టు ఆదేశాలు

న్యూఢిల్లీ: భారీ మనీ లాండరింగ్ కుంభకోణం కేసులో పూణే వ్యాపారి హసన్ అలీ ఖాన్‌కు సుప్రీంకోర్టులో చుక్కెదురైంది. హసన్ అలీఖాన్‌ను అరెస్టు చేయాలని సుప్రీంకోర్టు గురువారం ఆదేశాలు జారీ చేసింది. విచారణ నిమిత్తం హసన్ అలీఖాన్‌ను నాలుగు రోజుల పాటు ఎన్‌ఫోర్స్‌మెంట్ డైరెక్టరేట్‌కు అప్పగిస్తూ సుప్రీంకోర్టు ఆదేశించింది. ఎన్‌ఫోర్స్‌మెంట్ డైరెక్టరేట్‌ కస్టడీకి అప్పగించడానికి నిరాకరిస్తూ హసన్ అలీకి ముంబై హైకోర్టు బెయిల్ మంజూరు చేసిన విషయం తెలిసిందే. దీనిపై ఎన్‌ఫోర్స్‌మెంట్ డైరెక్టరేట్ సుప్రీంకోర్టుకు వెళ్లింది.

ఖాన్ ఆదాయం పన్ను శాఖ నుంచి 70 వేల కోట్ల పన్ను డిమాండ్ నోటీసుతో పాటు ఎన్‌ఫోర్స్‌మెంట్ డైరెక్టరేట్ విచారణను ఎదుర్కుంటున్నాడు. సుప్రీంకోర్టు అక్షింతలు వేయడంతో ఎన్‌ఫోర్స్‌మెంట్ డైరెక్టరేట్ మార్చి 7వ తేదీన 53 ఏళ్ల హసన్ అలీని అరెస్టు చేసింది. ముంబై హైకోర్టు హసన్ అలీకి బెయిల్ మంజూరు చేసింది. దీంతో ఇడి సుప్రీంకోర్టుకు వెళ్లింది.

English summary

The Supreme Court has ordered the arrest of Pune stud farm owner Hasan Ali Khan in connection with a massive money laundering scam. Hasan Ali, accused of stashing black money abroad, has been remanded in the Enforcement Directorate's custody for four days, during which he will be questioned.