ఓయులో కెసిఆర్ దిష్టిబొమ్మ దగ్థం: క్రాస్ చేయలేదన్న కావేటి

By Srinivas

Published: Friday, March 18, 2011, 16:07 [IST]

హైదరాబాద్: ఎమ్మెల్సీ ఎన్నికలలో తెలంగాణ రాష్ట్ర సమితి శాసనసభ్యుల తీరును నిరసిస్తూ శుక్రవారం ఉస్మానియా విశ్వవిద్యాలయం విద్యార్థులు టిఆర్ఎస్ అధ్యక్షుడు కె చంద్రశేఖరరావు దిష్టిబొమ్మను దగ్ధం చేశారు. ఎమ్మెల్సీ ఎన్నికలలో ముగ్గురు టిఆర్ఎస్ ఎమ్మెల్యేలు తెలంగాణ అభ్యర్థికి కాకుండా ఇతర పార్టీల అభ్యర్థికి ఓటు వేయడాన్ని వారు ఖండించారు. టిఆర్ఎస్‌కు, కెసిఆర్‌కు వ్యతిరేకంగా వారు నినాదాలు చేశారు. కాగా టిఆర్ఎస్ క్రాస్ ఓటింగ్‌పై తాము ఏమీ మాట్లాడమని భారతీయ జనతా పార్టీ రాష్ట్ర అధ్యక్షుడు కిషన్ రెడ్డి అన్నారు. క్రాస్ ఓటింగ్ అనేది పార్టీ అంతర్గత వ్యతిరేకమని చెప్పారు.

క్రాస్ ఓటింగ్‌పై ఆయా పార్టీలు ఆలోచించుకుంటాయని చెప్పారు. బిజెపిలోని ఇద్దరు ఎమ్మెల్యేలం మాత్రం టిఆర్ఎస్ అభ్యర్థికే ఓటు వేశామని చెప్పారు. కాగా తాను క్రాస్ ఓటింగ్‌కు పాల్పడలేదని ఎమ్మెల్యే కావేటి సమ్మయ్య అన్నారు. తాను క్రాస్ ఓటింగ్‌కు పాల్పడినట్లు వస్తున్న వార్తల్లో నిజం లేదన్నారు. తాను క్రాస్ ఓటింగ్‌కు పాల్పడినట్లు రుజువు అయితే పార్టీ అధిష్టానం చర్యలు తీసుకుంటుందని చెప్పారు. కావాలనే తనపై వ్యతిరేక ప్రచారం చేస్తున్నారన్నారు.

Published On March 18, 2011