కాంగ్రెసులో జగన్‌కు చోటు లేదు, కేసులున్నాయి: శంకరరావు

By Srinivas

Published: Saturday, March 19, 2011, 13:55 [IST]

అనంతపురం: మాజీ పార్లమెంటు సభ్యుడు వైఎస్ జగన్మోహన్ రెడ్డి కోసం తమ పార్టీ కాంగ్రెసులో చోటు లేదని చేనేత, జౌళీ శాఖమాత్యులు శంకరరావు శనివారం అనంతపురం జిల్లాలో అన్నారు. జగన్ కోసం పార్టీలో వేకెన్సీ లేదన్నారు. జగన్ పై చాలా కేసులున్నాయని అన్నారు. తన తండ్రి దివంగత ముఖ్యమంత్రి వైఎస్ రాజశేఖరరెడ్డి హయాంలో అక్రమాలకు పాల్పడ్డట్టు ఆరోపణలు వచ్చాయని, వాటిపై కేసులు ఉన్నాయని ఈ నేపథ్యంలో ఆయనకు కాంగ్రెసులో చోటు లేదని చెప్పారు.

కాగా ఇటీవల మంత్రి శంకరరావు చేసిన వ్యాఖ్యలకు ఇప్పటి వ్యాఖ్యలకు పొంతన లేక పోవడం విశేషం. ఇటీవల ఓ ప్రెస్ మీట్‌లో ఆయన జగన్‌పై మాట్లాడారు. పార్టీ అధిష్టానం ఒప్పుకుంటే జగన్‌ను పదిరోజుల్లో కాంగ్రెసు పార్టీలోకి తీసుకు వస్తానని చెప్పారు. అందుకు మొదట పార్టీ ఒప్పుకోవాలని చెప్పారు. అయితే పదిరోజులలో పార్టీలోకి తీసుకు వస్తానని చెప్పి శంకరరావు పది రోజులు కాకుండానే కాంగ్రెసులో చోటు లేదని చెప్పారు.

Published On March 19, 2011