నేను లేకున్నా అనుకున్నదే జరుగుతోంది: మాజీ మంత్రి జెసి దివాకర్ రెడ్డి

By Srinivas

Published: Monday, March 21, 2011, 11:55 [IST]

హైదరాబాద్: అనంతపురం జిల్లా స్థానిక సంస్థల ఎన్నికలలో నేను అనుకున్నదే జరుగుతోందని మాజీ మంత్రి, అనంతపురం జిల్లా సీనియర్ శాసనసభ్యుడు జెసి దివాకర్ రెడ్డి సోమవారం విలేకరులతో మాట్లాడుతూ చెప్పారు. అక్కడ తాను లేనప్పటికీ తను అనుకున్నదే జరగడం విచిత్రమన్నారు. మా సభ్యులు ఎవరికి ఓటు వేశారో నాకెలా తెలుస్తుందన్నారు. నేను ఉన్నది హైదరాబాదులో వారు అనంతపురంలో ఓటు వేశారు. నాకెలా తెలుస్తుందన్నారు. ఎమ్మెల్సీ ఎన్నికలలో కాంగ్రెసు అభ్యర్థి గెలిస్తే తమ ప్రతిభగా, ఓడితే నేనే కారణమని మంత్రులు అంటగట్టాలని అనుకుంటున్నారని అన్నారు.

అనంతపురం, చిత్తూరు జిల్లాల్లో కాంగ్రెసు అభ్యర్థి గెలవడం కష్టమే అన్నారు. గెలుపుపై తనకు అనుమానంగా ఉందన్నారు. చిత్తూరు జిల్లాలో ముఖ్యమంత్రి సన్నిహితుడే కాంగ్రెసుకు వ్యతిరేకంగా, టిడిపికి ఓటు వేయాలని ప్రచారం చేస్తున్నారని ఆరోపించారు.

Published On March 21, 2011