దావూద్‌తో రాజాకు లింకులు, 2జిలో సోనియా అల్లుడు: సుబ్రమణ్యస్వామి

By Srinivas

Published: Monday, March 21, 2011, 14:33 [IST]

చెన్నై: జనతా పార్టీ అధ్యక్షుడు సుబ్రమణ్యస్వామి సోమవారం మరో బాంబు పేల్చారు. మాఫియా డాన్ దావూద్ ఇబ్రహీంతో 2జి స్పెక్ర్టం కుంభకోణంలో అరెస్టయిన రాజాకు సంబంధాలు ఉన్నాయని అరోపించారు. 2జి స్పెక్ట్రం కుంభకోణంలో ఏఐసిసి అధ్యక్షురాలు సోనియాగాంధీ అల్లుడు రాబర్డ్ వధేరాకు వాటా ఉందని ఆరోపించారు. కేంద్రమంత్రి చిదంబరానికి 2జి స్పెక్ర్టంతో సంబంధాలు ఉన్నందున ఆయన వెంటనే రాజీనామా చేయాలని డిమాండ్ చేశారు. చిదంబరంపై సిబిఐ విచారణకు ప్రధానమంత్రి మన్మోహన్ సింగ్ సిఫార్సులు చేయాలని కోరారు.

2జి స్పెక్ర్టం విషయంలో తమిళనాడు ముఖ్యమంత్రి కరుణానిధి భార్య, ఆయన కూతురు కనిమొళిపై ఛార్జ్ షీట్ దాఖలు చేయాలని డిమాండ్ చేశారు. అన్నాడిఎంకే అధ్యక్షురాలిని ఉద్దేశిస్తూ ఆయన వినాశకాలే విపరీత బుద్ధి అన్నారు. ఈ ఎన్నికల్లో కాంగ్రెసు అవినీతికి వ్యతిరేకంగా ప్రజలను చైతన్యపరచడానికి భారతీయ జనతా పార్టీ తరఫున 10 నియోజకవర్గాల్లో ప్రచారం చేస్తానని చెప్పారు.

Published On March 21, 2011