కెసిఆర్ అంటే కిలాడీ చంద్రశేఖర రావు: ఎమ్మెల్సీ పొంగులేటి

హైదరాబాద్: తెలంగాణ రాష్ట్ర సమితి అధ్యక్షుడు, మహబూబ్‌నగర్ పార్లమెంటు సభ్యుడు కల్వకుంట్ల చంద్రశేఖరరావుపై కాంగ్రెసు శాసనమండలి సభ్యుడు పొంగులేటి సుధాకర్ రెడ్డి మంగళవారం ఆగ్రహం వ్యక్తం చేశారు. కెసిఆర్ అంటే కిలాడి చంద్రశేఖర రావు అని వ్యాఖ్యానించారు. కెసిఆర్ తన పద్ధతిని వెంటనే మార్చుకోవాలన్నారు.

కాగా ప్రజాపద్దుల సంఘం చైర్మన్‌గా నాగం జనార్ధన్ రెడ్డి పనితీరుపై తమకు చాలా అనుమానాలు ఉన్నాయని ఆయన ఆక్షేపించారు. నాగంపై తాము మాత్రమే ఆరోపణలు చేయడం లేదన్నారు. స్వయంగా ఆ పార్టీకి చెందిన వారే ఆయనపై ఆరోపణలు చేస్తున్నారని చెప్పారు. టిడిపి సీనియర్ నేత నన్నపనేని రాజకుమారి నాగంపై వ్యాఖ్యలు చేయడంతో తమ అనుమానం మరింత బలపడిందని ఆయన అన్నారు.