యోగా చేసుకో, రాజకీయాలు వద్దు: రామ్‌దేవ్‌పై మండిపడ్డ సమైక్యాంధ్ర

By Srinivas

Published: Tuesday, March 22, 2011, 12:23 [IST]

విశాఖపట్నం: ప్రముఖ యోగా గురువు రామ్‌దేవ్ బాబాపై మంగళవారం సమైక్యాంధ్ర పోరాట సమితి తీవ్రస్థాయిలో విరుచుకు పడింది. ఆయన యోగా గురువు యోగా చేసుకోవాలి. కానీ ఆయనకు రాజకీయాలు ఎందుకు అని ప్రశ్నించారు. యోగా అంటూ రాజకీయాలు మాట్లాడటం మానుకోవాలని హెచ్చరించారు. ప్రత్యేక తెలంగాణ రాష్ట్రం అంటూ మరోసారి మాట్లాడితే సీమాంధ్రలో అడుగు పెట్టనివ్వమని హెచ్చరించారు. రామ్‌దేవ్ బాబా సమైక్యాంధ్ర ప్రజల మనోభావాలు దెబ్బతినేలా మాట్లాడుతున్నారని అన్నారు.

ఆయన తెలంగాణపై చేసిన వ్యాఖ్యలు వెంటనే ఉపసంహరించుకోవాలని వారు డిమాండ్ చేశారు. లేదంటే బావుండదని హెచ్చరించారు. వెంటనే ఆయన తన వ్యాఖ్యలను వెనక్కి తీసుకోవాలన్నారు. కాగా రామ్‌దేవ్ బాబా ప్రత్యేక తెలంగాణ రాష్ట్రం ఏర్పడాలని, అది ప్రజల ఆకాంక్ష అని వరంగల్, మెదక్, కరినగర్, నిజామాబాద్‌తో పాటు విశాఖపట్నంలో కూడా చిన్న రాష్ట్లలకు అనుకూలమని చెప్పిన విషయం తెలిసిందే.

Published On March 22, 2011