ఏదో ఉద్దరిద్దామని వచ్చా: లోక్‌సత్తా అధ్యక్షుడు జయప్రకాశ్ నారాయణ

By Srinivas

Published: Friday, March 25, 2011, 11:01 [IST]

హైదరాబాద్: ఏదో ఉద్దరిద్దామని రాజకీయాలలోకి వచ్చానని కానీ ఇక్కడ అది కుదరడం లేదని లోక్‌సత్తా అధ్యక్షుడు జయప్రకాశ్ నారాయణ శుక్రవారం అసెంబ్లీ మీడియా పాయింట్ వద్ద మాట్లాడుతూ చెప్పారు. ప్రజలకు భవిష్యత్తు లేని ప్రమాదం పొంచి ఉందని ఆయన అనుమానం వ్యక్తం చేశారు. అవినీతి, ఆశ్రిత పక్షపాతంలో ఒకరిని మించి ఒకరు ఉన్నారని ఆయన ఆరోపించారు. అధికార పక్షం, ప్రతిపక్షం ఆరోపణలు, ప్రత్యారోపణలు మానుకొని భూకేటాయింపుల వివరాలు బయట పెట్టాలని ఆయన డిమాండ్ చేశారు.త

అవినీతిలో మీరంటే మీరు అని ఆరోపణలు చేసుకోవడంలోనే సరిపోతుందన్నారు. అవినీతిలో పాలక పక్షం, ప్రతిపక్షం రెండురెండే అన్నారు. నేను ప్రజలకు జవాబుదారిని కానీ ప్రభుత్వానికి కాదన్నారు. శ్రీకృష్ణ కమిటీ 8వ చాప్టర్ గురించి తనకు తెలియదన్నారు. దానిని అధ్యయనం చేశాక దానిపై స్పందిస్తానని చెప్పారు.

Published On March 25, 2011