ఓయులో జెసి దిష్టిబొమ్మ దగ్ధం: జూబ్లీహిల్స్‌లో జెసి ఇంటివద్ద ఆందోళన

By Srinivas

Published: Sunday, March 27, 2011, 14:33 [IST]

హైదరాబాద్: మాజీ మంత్రి, అనంతపురం సీనియర్ శాసనసభ్యుడు జెసి దివాకర్ రెడ్డి దిష్టిబొమ్మను ఆదివారం బిసి సంఘం విద్యార్థులు ఉస్మానియా విశ్వవిద్యాలయంలో దగ్ధం చేశారు. మంత్రి రఘువీరారెడ్డిపై జెసి విమర్శలకు నిరసనగా వారు జెసి దిష్టిబొమ్మను దగ్ధం చేశారు. జెసికి వ్యతిరేకంగా నినాదాలు చేశారు. కాగా బిసి సంఘం నేతలు పలువురు మంత్రి రఘువీరారెడ్డిపై జెసి ఆరోపణలను వ్యతిరేకిస్తూ జూబ్లీహిల్సులోని జెసి ఇంటిని ముట్టడించేందుకు ప్రయత్నాలు చేశారు.

ర్యాలీగా వెళ్లిన బిసి సంఘం నేతలు మొదట జూబ్లీహిల్సు చెక్ పోస్టు వద్ద జెసి దిష్టిబొమ్మను దగ్ధం చేశారు. అనంతరం ఆయన ఇంటిని ముట్టడించే ప్రయత్నాలు చేశారు. అయితే పోలీసులు వారిని అడ్డుకొనే ప్రయత్నాలు చేశారు. దీంతో అక్కడ ఉద్రిక్త పరిస్థితి నెలకొంది. దీంతో పోలీసులు బిసి సంఘం నేతలను అరెస్టు చేశారు.

Published On March 27, 2011