దేశంలోనే చంద్రబాబునాయుడు పెద్ద అవినీతిపరుడు: అంబటి రాంబాబు

By Srinivas

Published: Monday, March 28, 2011, 15:58 [IST]

విజయవాడ: దేశంలో తెలుగుదేశం పార్టీ అధినేత చంద్రబాబు నాయుడు అంత అవినీతిపరుడు ఎవరూ లేరని వైయస్ఆర్ కాంగ్రెసు పార్టీ నేత అంబటి రాంబాబు సోమవారం అన్నారు. చనిపోయిన మాజీ ముఖ్యమంత్రి వైయస్ రాజశేఖరరెడ్డిపై టిడిపి ఆరోపణలు నీచం అన్నారు. దమ్ముంటే చంద్రబాబుపై సిబిఐ ఎంక్వయిరీ వేయాలని ఆయన డిమాండ్ చేశారు. చంద్రబాబుకు వైయస్ గురించి మాట్లాడే అర్హత లేదన్నారు. నీచ రాజకీయాలకు పాల్పడుతున్న వారికి ప్రజలే బుద్ధి చెబుతారని ఆయన అన్నారు.

వైయస్ గొప్పతనాన్ని దెబ్బతీయడం ద్వారా జగన్‌పై బురద జల్లాలని కాంగ్రెసు, టిడిపి ప్రయత్నిస్తోందన్నారు. అసెంబ్లీలో టిడిపి ఎమ్మెల్యేల ప్లకార్డుల వెనుక కాంగ్రెసు పార్టీ హస్తం ఉందన్నారు. జగన్‌ను దెబ్బతీయడానికి కాంగ్రెసు, టిడిపి కలిసి కుట్ర చేస్తున్నాయని ఆరోపించారు. వ్యవసాయ శాఖ మంత్రి వైయస్ వివేకానందరెడ్డి వైయస్ సోదరుడు అయినందువల్లే స్పందిచారన్నారు.

Published On March 28, 2011