రాజీనామాపై మంత్రి వివేకాను బుజ్జగిస్తున్న ఉండవల్లి, వట్టి

హైదరాబాద్: తెలుగుదేశం పార్టీ శాసనసభ్యులు గాలి ముద్దు కృష్ణమనాయుడు, ప్రభాకర్‌లపై దాడి చేసిన వ్యవసాయ శాఖ మంత్రి వైయస్ వివేకానందను రాజీనామా చేయవద్దని రాజమండ్రి పార్లమెంటు సభ్యులు ఉండవల్లి అరుణ్ కుమార్, మంత్రి వట్టి వసంత్ కుమార్ బుజ్జగిస్తున్నట్లుగా తెలుస్తోంది. టిడిపి సభ్యులపై వివేకా దాడిని పార్టీలకతీతంగా అందరూ ఖండించారు. వివేకా వైఖరిపై ముఖ్యమంత్రి కిరణ్ కుమార్ రెడ్డితో పాటు మంత్రి బొత్స సత్యనారాయణ, వట్టి వసంత్ కుమార్ తదితరులు తీవ్ర అసంతృప్తి వ్యక్తం చేశారు.

వివేకా వెంటనే సభకు, ప్రజలకు క్షమాపణ చెప్పాలని అందరూ డిమాండ్ చేసిన నేపథ్యంలో అధికార పార్టీ సభ్యులు వివేకాతో క్షమాపణ చెప్పించేందుకు ప్రయత్నాలు చేసినట్టుగా తెలుస్తోంది. అయితే అందుకు వివేకా ససేమీరా అన్నట్టుగా తెలుస్తోంది. తాను మంత్రి పదవికి రాజీనామానైనా చేస్తాను కానీ క్షమాపణ చెప్పే పరిస్థితి లేదని తేల్చి చెప్పినట్టుగా తెలుస్తోంది. ఆయన తన రాజీనామాను కూడా సమర్పించినట్లుగా వార్తలు వచ్చాయి. ఈ నేపథ్యంలో మాజీ ముఖ్యమంత్రి వైయస్ రాజశేఖరరెడ్డికి ఆత్మీయుడు అయిన ఉండవల్లి, వట్టి వసంత్ కుమార్‌లు వివేకాను రాజీనామా చేయవద్దని బుజ్జగిస్తున్నట్లుగా తెలుస్తోంది.

English summary

Rajahmundry MP Undavalli Arun Kumar and minister Vatti Vasanth Kumar Urged minister YS Vivekananda Reddy to don't resign. They met in Vatti's chamber.