మంత్రి పదవికి వైయస్ వివేకానంద రెడ్డి రాజీనామా?

హైదరాబాద్: మంత్రి పదవికి రాజీనామా చేసే యోచనలో వైయస్ వివేకానంద రెడ్డి ఉన్నట్లు సమాచారం. శానససభ ఘటనతో సంబంధం లేకుండానే ఆయన తన మంత్రి పదవికి రాజీనామా చేయాలని నిర్ణయించుకున్నట్లు తెలుస్తోంది. కడప పార్లమెంటు సీటుకు, పులివెందుల శాసనసభ సీటుకు ఉప ఎన్నికలు జరగనున్న నేపథ్యంలో ఆయన ఆ నిర్ణయం తీసుకున్నట్లు చెబుతున్నారు. ఎమ్మెల్సీగా ఉన్న వైయస్ వివేకానంద రెడ్డిని ముఖ్యమంత్రి కిరణ్ కుమార్ రెడ్డి వ్యవసాయ మంత్రిగా తీసుకున్నారు.

శాసనసభ సమావేశాలు ముగిసిన వెంటనే రాజీనామా చేయాలని వివేకానంద రెడ్డి అనుకున్నట్లు చెబుతున్నారు. ఎమ్మెల్సీగా ఆయన పదవీ కాలం మంగళవారంతో ముగుస్తోంది. పులివెందుల శాసనసభా నియోజక వర్గం నుంచి వైయస్ వివేకానంద రెడ్డి కాంగ్రెసు అభ్యర్థిగా వైయస్ రాజశేఖర రెడ్డి సతీమణి వైయస్ విజయలక్ష్మిపై పోటీ చేయనున్నారు. అలాగే, కడప పార్లమెంటు సీటు నుంచి తన అల్లుడు నర్రెడ్డి రాజశేఖర రెడ్డిని వైయస్ వివేకానంద రెడ్డిపై పోటీకి దించుతున్నారు.

English summary

YS Vivekananda Reddy may resign as minister in the eve Kadapa loksabha and Pulivendula seats by polls. His term as MLC is ending tomorrow.